Ordiziako euskara zerbitzua

Jolas tailerrak abenduaren 22an eta 23an

2011-12-12

Datorren abenduaren 22an eta 23an, 2 Jolas tailer antolatu ditugu Lehen Hezkuntzako 1., 2., 3. eta 4. mailetako ikasleentzat. Udaleko Euskara Zerbitzuko EBPNren (Euskara Biziberritzeko Plan Nagusia) baitako ekintza da, Arrasateko Txatxilipurdi Haur eta Gazte Ekintzak elkarteak gidatuta.

Jolas tailerretan, jolasa eta birziklapena izango dira helburua eta tresna,ohiko materialak beste ikuspuntu batetik ikusteko aukera izango baitute haurrek.

Lehen eguneko jolas tailerra bi ordukoa izango da bigarrena ordu eta erdikoa. Gaztelekuan egingo dira tailerrak eta gehienez ere 20 haur onartuko dira taldeko. Hori dela-eta, aldez aurretik eman beharko duzue zuen seme-alabaren izena Euskara Zerbitzuan (943 805 622). Izena emateko azken eguna abenduaren 19a izango da.

Hona, Jolas tailerren egunak eta ordutegia.

· Jolas kooperatiboen tailerra

Abenduaren 22a

Lehen Hezkuntzako 1. eta 2. mailako haurrentzat

17:00-19:00

Taldean jolasteko jolasak, guztiek irabazi edo galtzen dute. Ez dira lehiatzen.

· Jostailu tailerra

Abenduaren 23a

Lehen Hezkuntzako 3. eta 4. mailako haurrentzat

17:00-18:30

Haurrekin jostailuei buruz, iragarkiei buruz…ea hitz egin ondoren, jolas

bat proposatzen da beraiekin egiteko eta ondoren jostailu bat sortzen da

birziklatutako materialarekin.

Haurrentzat Zinema Euskaraz

2011-10-26

Datorren igandean, urriak 30, Jean-Pierre Sinapi zuzendari frantziarraren Aukera Gazteak (Camping à la ferme. 2005) filma eskainiko dute Herri Antzokian, 16:45etan, euskaraz.

Teknologia berriak euskaraz ikastaroak

2011-10-17

Ordiziako Udaleko euskara zerbitzuak Ordiziako Kazetagunearekin elkarlanean teknologia berriak euskaraz erabiltzeko ikastaroak bultzatzen ditu. Helburu nagusia herritarren artean euskara lantzeko tresnen zabalkundea egitea da.

Haurrentzako masaje tailerra

2011-10-14

Azaroaren 4an hasiko da Ordizian urtebetez azpiko haurrentzako masaje ikastaroa, Udaleko Euskara Zerbitzuak seigarren urtez jarraian antolatuta.

0-5 urteko haurren jolas eta abestiak ikastaroa

2011-09-29

Ordiziako Udaleko Euskara Zerbitzuak 0-5 urteko haurren jolas eta abestiak ikastaroa antolatu du urrian 0 eta 5 urte bitarteko seme-alaba(k) dituzuen gurasoei begira. Ordiziako Udalean eman dezakezue izena (Euskara Zerbitzua, Kale Nagusia 26), goizeko 09:00etatik 13:30era, edota 943 80 56 22 telefonora deituta.

AISA euskara ikastaro berria etorkinentzat

2011-09-19

Datorren urriaren 3an etorkinentzat “Aisa” euskara ikastaro berria hasiko da Ordizian. Ikastaro hau egiteko interesa duten ikasle etorkinek Ordiziako Udalean eman dezakete izena (Euskara Zerbitzua, Kale Nagusia 26), goizeko 09:00etatik 13:30era, edota 943 80 56 22 telefonora deituta.

Gidabaimena, zergatik ez atera euskaraz?

2011-07-18

Ekimenaren helburua Ordiziako gazteek azterketa aurreko prestakuntza euskaraz jasotzeko aukera izatea da; gidabaimena euskaraz ateratzeko eskarita handitzea eta autoeskolak horretan inplikatzea.

Merkealdiak euskaraz iragartzeko kanpaina abian da

2011-07-18

Herriko dendek merkealdian ere euskara erabil dezaten Merkealdia eta Eskaintza jartzen duen kartelak banatu dituzte herriko merkatarien artean.

Udaleko langileentzako euskara ikastaroa amaitu da

2011-07-01

Ordiziako Udaleko langileen euskara ikastaroa aste honetan bukatu da.

Euskara ikasleei diru-laguntza deialdia

2011-06-24

Ikasturtea amaitzera doan honetan, Ordiziako Udaleko Euskara Zerbitzuak jakitera eman du uztailaren 7ra arte egin dezaketela diru-laguntza eskaera 2010-11 ikasturtean euskara ikasten edo hobetzen aritu diren herritarrek.

Ordiziako kirol elkarteek eta Udalak hitzarmenak sinatu dituzte

2011-06-20

Kirol elkarteek euskararen erabileran aurrerapausoak eman ditzaten 2006an sinatu zuten hitzarmena lehenengo aldiz eta orain hitzarmenak eguneratu dituzte.

"Udalarekin euskaraz!" liburuxka

2011-05-31

Ordiziako Udaleko Euskara Zerbitzuak Udalarekin euskaraz! liburuxka banatu du Ordiziako etxe guztietan.

Uda ikastaroak egiteko diru-laguntzak unibertsitarioentzat

2011-05-25

Ate joka dauzkagu UEUren, EHU-UPVren eta Hik Hasi-ren udako ikastaroak, eta, urtero bezala, Ordiziako Udalak gogora ekarri nahi du diru-laguntzak emango dizkiela horietara doazen ikasleei edota langabetuei, beti ere hartzen dituzten ikastaroak euskaraz badira.

Ordiziako VII. Piropo Lehiaketa 2011 Sari Banaketa

2011-05-25

Ordiziako VII. Piropo Lehiaketaren sari banaketa izan zen joan den ostiralean, maiatzak 20, Oianguren Institutuan. Lehiaketa, Ordiziako Udalak antolatu du, Euskara Biziberritzeko Planaren (EBPN) barruan, 2011ko udaberrian.

Kirola Euskaraz! hitzarmena sinatzeko ekitaldia

2011-05-23

Ordiziako Udalak Kirola Euskaraz! ekimenaren baitan hitzarmena sinatzeko ekitaldia antolatu du.

Errenta aitorpena euskaraz egiteko aukerak

2011-04-28

Gipuzkoan, 2010eko urteari dagokion errentaren gaineko aitorpena egiteko kanpaina apirilaren 18an hasi eta ekainaren 25ean amaituko da, baina apirilaren 12tik aurrera etxera bidalitako autolikidazio proposamenak berretsi ahal izango dira.

Korrikako eskualdeko afaria

2011-04-07

Eskualdeko Korrika afaria antolatu da apirilaren 8rako Ordiziako Plaza Nagusian. Elkarteen arteko sukaldaritza lehiaketa ere izango da. 12 euroko txartelak salgai Herrikoan, Mujika liburu-dendan, Barrenan eta AEK euskaltegian. Umeen txartelek 5 euro balio dute.

Euskara sustatzeko jardueretarako 2011ko diru-laguntzak

2011-04-05

Ordiziako Udalerrian euskara sustatzeko jardueretarako diru-laguntzak emateko oinarriak onartu ziren martxoaren 25eko Osoko Bilkuran. Lau diru-laguntza mota jasotzen dira oinarrietan.

Begiraleak aisialdian euskararen erabilera sustatzeko ikastaroa

2011-04-05

Hartzaileak:

Udaleku irekietan aritu nahi duten begiraleak eta hezitzaileak
Dinamizatzaile soziokulturalak
Erakundeetako teknikariak

VII. Piropo Lehiaketa 2011

2011-03-28

Ordiziako Udaleko Euskara Zerbitzuak antolatu du Ordiziako VII. Piropoen Lehiaketa, Euskara Biziberritzeko Planaren (EBPN) barruan.