Ordiziako Euskara Zerbitzua

Piropo lehiaketa

EUSKARAZ BIZI »
Piropo lehiaketa

Ordiziako Udaleko Euskara Zerbitzuak gazteei zuzendutako Piropo Lehiaketa antolatzen du, Oianguren, Jakintza eta Goierri Lanbide Eskola ikastetxeekin elkarlanean. Lehiaketa, gazteen artean euskarazko erregistro kolokiala sustatzeko EBPNtik (Euskara Biziberritzeko Plan Nagusia) egiten den proposamena da.

Oianguren eta Jakintzako DBH3ko ikasleek Lagunarteko hizkerarekin jolasean saioak hartzen dituzte Ttakun elkarteko begirale-hezitzaileen eskutik, hori ere Ordiziako Udalak antolatuta. Eta aipatu ekimen horri jarraipena ematen dio piropo-lehiaketak.

Lehiaketako gaia euskarazko piropoa da eta esamoldea euskara bizian eta askean idatzi beharko da. Hiru maila edo adin-tarte bereizten dira lehiaketako oinarrietan: 14-15 urte (DBH3), 15-16 urte (DBH4) eta 16 urtetik gorakoak. Lagun bakoitzak ezin du esamolde bat baino gehiago aurkeztu; esamolde guztiek jatorrizkoak eta norberak sortuak izan behar dute; eta originaltasunari erreparatzen diote epaimahaikideek, “inork esan gabeko hori, inork esango ez lukeen moduan” esateari, alegia.

Epaimahaiak bereziki begiratzen dio testuaren zuzentasunari, jatortasunari eta egokitasunari. “Lana aurkezten duen gazteak ondo pentsatu beharko du maite duen horri zer esango liokeen, eta, batez ere, nola esango liokeen. Garrantzitsua da euskarak ematen dituen aukerak arakatzea, bideak bilatzea.

Aurreko urteetan piropo-lehiaketara lan asko aurkeztu dituzte Ordiziako gazteek, eta antolatzaileek lanak izan dituzte piropoak hautatzen. Honako gomendioa egin nahi diete lehiaketara lanak aurkeztuko dituztenei: “Laburra bi aldiz hobea da, baita piropoetan ere!”.

Hiru maila, maila bakoitzeko hiru sari
Proposamen guztien artean, hautapen batzordeak hiru piropo aukeratzen ditu maila bakoitzean: Ordiziako ikastetxeetako ikasleek aurkeztutako piroporik onena; Ordiziako ikasleek aurkeztutako bigarren piroporik onena; eta Goierriko gazteek aurkeztutako piroporik onena.

Honako piropoak gailendu ziren aurreko lehiaketetan: