Hasiera

Ordiziako Euskara Zerbitzuaren helburu nagusia euskararen normalizazioa sustatzea da udalerri mailan eta udal administrazioaren eremuan, eta horretara bideratzen ditu ematen dituen zerbitzu guztiak.

• Alde batetik, Ordizian euskara bultzatzea eta normalizatzea da helburua, kontuan izanik normalizazioa hizkuntza ofizial biak eguneroko jardunean maila berean erabiltzea dela. Horretako, hiru lan-eremu jorratzen dira:
  - Motibazioan, sentsibilizazio-kanpainen bitartez
  - Ezagutzan, hizkuntza ikasteko programen bitartez
  - Erabileran, euskararen erabilera sustatzeko ekimenen bitartez
• Bestalde, Euskara Zerbitzuak udal administrazioa gero eta euskaldunagoa izan dadin lan egiten du.

Helburu horiek finkatzerakoan, aintzat hartu dira alde batetik, udalerria euskalduntzeko Euskara Biziberritzeko Plan Nagusia (EBPN); eta bestetik, udal administrazioa euskalduntzeko 86/1997 Dekretua eta Erabilera Plana.