Ordiziako Euskara Zerbitzua

Euskara eskoletarako diru-laguntzak

Diru Laguntzak »
Euskara ikasteko »
Euskara eskoletarako diru-laguntzak

Mota: Euskara ikasteko

Erakundea: Ordiziako Udala

Xedea

1. artikulua. Laguntzen helburua. Euskara ikasten edo hobetzen diharduten bizilagunei dirulaguntza publikoak ematea da oinarri hauen xedea.

2. artikulua. Eskumena duen organoa. Deialdia Ordiziako Udalak onartuko du eta deialdiaren zabalpena eta argitalpena bermatuko du.

3. artikulua. Araudia. Laguntzen emakidak nahiz diru-laguntza emailearen eta onuradunen arteko lege harremanak oinarri hauen arabera eta diru-laguntzak ematerakoan indarrean dagoen araudiaren arabera xedatuko dira.
Oinarri hauetan aurreikusi gabeko gaietarako azaroaren 17ko Diru-laguntzen 38/2003 Legea (Estatuko Aldizkari Ofiziala. 2003-11-18) hartuko da oinarri.

Eskatzaileak

4. artikulua. Diru-laguntza hauen eskatzaileek honako baldintzak bete behar dituzte:

16 urtetik gora izatea, diruz laguntzea eskatzen den ikastaroa amaitzen den datarako eta Ordizian erroldatuta egotea.
Egoitza soziala Ordizian duen eta Lanean planean dagoen enpresa batean lan egitea; Dendaz denda, euskara planean dagoen merkatal-establezimendu batean lan egitea; edota Udalarekin euskara sustatzeko hitzarmena sinatu duen kiroltalde bateko begiralea edo entrenatzailea izatea.

Diru-laguntza honetatik kanpo geratzen dira, xede berbererako beste erakunde pribatutik edo publikotik, HABEtik izan ezik, diru-laguntza jaso duten ikasleak.

5. artikulua. Lagundu daitezkeen ikastaroak. HABEk homologatutako euskaltegiek eta zentroek emandako euskalduntzeko eta alfabetatzeko ikastaroak lagundu ahal izango dira, 2010eko urriaren 1etik 2011ko irailaren 30a bitartean antolatutakoak.

a) HABEk homologatutako ikastaroak. (2005eko uztailaren 27ko ebazpena).

Modulazio ezberdineko ikastaroak (210 ordu gutxienez).
Barnetegiak (4 hilabete gutxienez). Ez da laguntzarik emango egoitza gastuetarako.
Auto-ikaskuntza (beti ere modulu osoa betetzen bada eta gutxienez 190 ordu egiten badira).
EGA eta alfabetatze ikastaroak (120 ordu gutxienez).
Udako ikastaroak (80 ordu gutxienez).

b) Ikastaro ez homologatuak: Modulazio txikikoak, baina beti ere ikasturtean zehar urrats bat gainditzen bada.

6. artikulua. Diru-laguntza jasotzeko baldintzak.

Eskabidea behar bezala beteta eta derrigorrezko dokumentazioa dagozkien epeen barruan aurkeztea.
Eskatzaileek Ordizian egoiliar gisa erroldatuta egon behar dute diruz laguntzea eskatzen den ikastaroa amaitzen den datarako (azken eguna barne).
Erroldatu gabeko eskatzaileen kasuan, gutxienez sei hilabetez egon behar dute lanean Ordiziako enpresa, merkatal establezimendu edota kirol-talde batean, diruz laguntzea eskatzen den ikastaroa amaitzen den datarako.

Oharra: Ikasleak, erroldatuta dagoen Udalaren diru-laguntza jasotzen badu, ezingo dio eskaerarik egin Ordiziako Udalari.
Euskarazko ikastaroan gutxienez %85etik gorako asistentzia egiaztatzea; horretarako, ikastaroaren hasiera- eta amaiera-data hartuko dira kontuan. Asistentzian egindako huts egiteak zuritzeko gaixotasun agiriak bakarrik onartuko dira.

Eskabideak

9. artikulua. Eskabideak egiteko epeak. Eskatzaileak ikastaroa amaitu ondoren egin beharko du diru-laguntza eskaera. Herritarren Arretarako Udal Bulegoan (Kale Nagusia, 26-behea), 9:00etatik 13:00etara bitartean, ondoren zehazten denaren arabera:

a) Neguko ikastaroak (urria-ekaina).

Urrian hasten diren ikastaroak: 2011ko ekainaren 20tik uztailaren 8a bitartean.
Otsailean hasten diren ikastaroak: 2011ko ekainaren 20tik uztailaren 8a bitartean.
Barnetegiak eta xede berezietako ikastaroak: Ikastaroa amaitu eta bi asteren barruan.

b) Udako ikastaroak (uztaila-iraila).